Кулак түрүүчүлүк

"Кулак түрүүчүлүк"(Curiosity) деген атка ээ болгон марсоход (марсожүр?) баш оона айынын 5инде Марс планетасына конот. Өткөн жылдын жетинин айынан баштап күтүп жатам, качан жетет деп.

Бул америкалыктардын үчүнчү марсоходу. Буга чейин жиберилген Opportunity жана Spirit Марста суу бар болгонуна көп далилдерди табышты.

Curiosityнин миссиясы - планетада суу бар кезде анын абалын, планетанын тарыхын изилдөө.

Адамзаттын космосто кылып жаткан биринчи кадамдарынын бири - Curiosity, аман-эсен планетанын бетине консо деп үмүттөнүп жатам.

Алонсо — азамат

Фернандо Алонсо бул сезондо "Феррари" командасын астыга тартып келе жатса, команданын экинчи пилоту Фелипе Масса ар бир таймаш сайын эптеген-септеген натыйжаларды көргөзүп жатат.

Айдоочулардын арасында Алонсо азырынча биринчи орунда турат, ал эми командалар арасында "Феррари" экинчи орунда болсо да, биринчи орундагы "Ред булл Рено" командасынан жыйнаган топтору боюнча көпкө артта калды.

Ушу, Масса кийинки сезондо Феррарини айдоосуна көзүм жетпейт.

Жекшемби күнү кечинде

Германиянын Гран-Присин Алонсо утат, ооба-ооба. Экинчи орунду Масса алат, ооба-ооба. Феттельге, макул, үчүнчү орунду берели, ооба-ооба.