Жакында тааныш кыз бир окуя айтып берди. Айылга барып, көчөдө эле ойноп жүрө берсе, байкеси айтыптыр, алып качып кетет, көчөгө көп чыкпасаңчы деп. Ал укпай коюп, жүргөндө, машинага салып, алып кетишет. Тепкиленип, бошоноюн десе, алы жетпейт, анан "сүйлөшкөн жигитим бар, боюмда бала болгон", айласы кеткенде "мен СПИД менен ооруймун" дептир. Ошентип, машина кайра эле ал кыздын үйүнө келип калат, байкеси турат, ыкшып. Көрсө байкеси, муну окутайын деп, досторун жиберип коюптур, бирок аягында өзү эле уят болду да, кайдан билиптир, карындашы эмне шумдуктун баарын айтаарын.
Эмнегедир келинчек алып качып келиптир дегенде, кыжырым кайнап, жиним келе берет "Эмне жөн эле келинчек таап, сүйлөшүп алганга мээси жетпейби эркектин" деп. Дагы бир нерсени түшүнбөйм. Мен билгенден, кемпир босогого жатып алып, ала качып келинген кызга "аттап өтсөн бактылуу болбой, күйөөгө жетпей каласың" дешет экен да. Берилген шарттар боюнча, эгер уурдалган кыз АТТАП өтпөй, кемпирди БАСЫП өтсө ал өзүнө жаккан күйөө табып, бактылуу жашаганга жол ачат.
