Мектепте окуп жүргөндө, кыргыз тилден берген эжем (атын унутуп койдум, эс
деген жок, картайдым %) ) "Кечээ Гульнара Тойгонбаевадан алынган интервьюну
көрдүм. Кыргызча, орусча тилдерди аралаштырып сүйлөгөндү жакшы нерсе
катары көруп, ошону менен мактанды" деп жек көрүү менен айткандан кийин,
бир тилде сүйлөгөнгө умтулам. Көбуңчө учурда, ал кыйын болуп,
аралаштырсам да, бир сүйлөмдү толук бир тилде айткан жеңил болуп калды.
Кыргыздар ушул эреже менен сүйлөшсө, кулакты ыйлаткан "гулятетип жүрдүм,
остановкадан токтотуп коюңузчү" ж.б. ушундай сыяктуу сөздөрду жолуктурбайт
элек да. Бул көп адамдарга жакпайт, кээ бир чыдамсыз ишмерлер "мектеп,
жогорку окуу жайларында кыргызча гана окутуу керек" деп баштайт. Негизи бизде
көп адамдар жаратууга караганда бүлдүргөндү, жолду жабууну жакшы
көрүшөт. Эмнегедир америкалыктардын жана орустардын маданиятына өзгөчө
каршы, анткени алардын маданияты көп таасир этет бизге. Күн алгыны иштетсең,
каналдардын көбү орус тилинде, кинотасмалардын баары Америкада тартылган,
кийим-кечектердин баары, стиль, мода Европада пайда болгон.
Бирок бул жерде эч таң калуу жок. Алар көп нерсени ЖАРАТЫП жатат, жаратканы
абдан сапаттуу. А бизде эмне жаратып жатышат? Ооба, 2-3 жылда бир тасма
чыгарышат, кийим тиккен кичи ишканалар бизде көп болсо дагы, аларды ойлоп
чыгарган бир нече студиялар, адамдар бар. Жаңы китептер, чыгармалар жөнүндө
эч нерсе билбейм.
Бизде ЖАРАТУУ аз, тыюу салуудан көрө ушу багытта иштесек, арабызда
маданияттуу, кыргыз маданияттуу инсандар көп болот эле.
